ELEGIA IX.

Tibulli mortem deflet,

MEMNONA si mater, mater ploravit Achillen,
Et tangunt magnas tristia fata Deas;
Flebilis indignos, Elegeia, solve capillos :
Ah nimis ex vero nunc tibi nomen erit !
Ille tui vates operis, tua fama, Tibullus
Ardet in exstructo, corpus inane, rogo.
Ecce, puer Veneris fert eversamque pharetram,
Et fractos arcus, et sine luce facem :

5

Si mater flevit Memnona, si mater flevit Achillem, et obitus luctuosi movent magnas Deas; miserabilis Elegeia, sparge comam immeritam. Ah nomen nunc tibi erit nimis ex re! Ille, Poëta tui artificii, Tibullus, tua gloria, comburitur corpus vacuum in pyra congesta. Ecce puer Venèris gerit et pharetram inversam, et

1 P. 2. et Me. si mater flevit Ach.-2 Pol. Si tangunt.—4 Vulg. Ah nimium.

NOTE

Memnona] De eo Tithoni et Auroræ filio, quem Achilles bello Trojano mactavit, antea vidimus.

Mater] Thetis, scil.

2 Tristia] Qualia fuerunt Memnonis et Achillis.

3 Flebilis] Ad flendum et ad fletum movendum composita.

Indignos] Id est, Qui indigne pro Tibulli immeriti deflenda indigna morte solvi debent.

4 Ex vero] Ad Etymon Græcum alludit; dicta Elegia a clamore, qui fit in luctu.

5 Ille] Optimus, scil. Poëta.

Tui operis] Dicit istud, quia Elegos amatorios scripsit Tibullus, illorum Delph. et Var, Clas.

elegantia notior, quam ut hic de eo quicquam sit opus expromere.

Tua fama] Appositio est, Tibulli Elegis inclaruisse Elegeiam indicat Poëta.

6 Ardet] De more illo cremandi corpora antea vidimus.

Inane] Utpote anima privatum. 7 Puer Veneris] Amor. Hoc in maximum Tibulli dicit honorem, quasi grande ex ejus morte damnum Cupido acceperit.

Eversamque] Sagittis vacuam; quas Tibullus versibus suis fingas acuisse. 8 Fractos] Quasi inutiles et supervacaneos sine sagittis.

Ovid.

2 N